ນັກຂັບຂີ່ຫຼາຍຄົນ ອາດເຄີຍ ຈັບລະສັບ ລົມໄປນຳ ພ້ອມກັບ ຂັບລົດໄປນຳຮູ້ບໍ່ວ່າ ມັນອາດເກີດຄວາມສ່ຽງທີ່ພາໃຫ້ເກີດອຸບປະຕິເຫດ ກໍ່ເປັນໄດ້ ຈົ່ງຢຸດພຶດຕິກຳດັ່ງກ່າວ ຈະຊ່ວຍເພີ່ມຄວາມປອດໄພໃຫ້ໂຕທ່ານເອງ ໂດຍຕາມຫຼັກການແລ້ວ ຜູ້ຂັບຂີ່ ສາມາດໃຊ້ໂທລະສັບ ໃນເວລາຂັບລົດໄປນຳ ໄດ້ແຕ່ຕ້ອງປະຕິບັດດັ່ງນີ້:
1. ໃຊ້ອຸປະກອນເຊື່ອມຕໍ່ແບບໄຮ້ສາຍ ( ຫູຟັງ Smalltalk ), ອຸປະກອນເສີມທີ່ຊ່ວຍໃນການສົນທະນາ, ລະບົບກະຈາຍສຽງ ທີ່ຕິດມາກັບລົດ ຫຼື ເປີດລຳໂພງໂທລະສັບມືຖື ໂດຍທີ່ຜູ້ຂັບຂີ່ບໍ່ຕ້ອງໃຊ້ມືຈັບມືຖືລົມໄປນຳໃນເວລາທີ່ກຳລັງຂັບລົດ.
2. ໃຊ້ອຸປະກອນເສີມສຳລັບຈັບໂທລະສັບ ຫຼື ຕິດໂທລະສັບໄວ້ກັບສ່ວນໜ້າຂອງລົດທຸກຄັ້ງກ່ອນຂັບລົດ ໂດຍບໍ່ໃຫ້ບັງວິໄສທັດໃນການເບີ່ງເຫັນ ແລະ ເສຍຄວາມສາມາດໃນການຂັບຂີ່ຂອງທ່ານ.
3. ກໍລະນີທີ່ຈຳເປັນຕ້ອງໄດ້ນຳໃຊ້ ຫຼື ຕ້ອງໄດ້ຈັບໂທລະສັບ ແມ່ນໃຫ້ທ່ານຢຸດລົດເຂົ້າແຄມທາງ ຫຼື ຈອດລົດໃນສະຖານທີ່ຈອດ ໂດຍມີຄວາມປອດໄພ.
ດ້ວຍເຫດນີ້ຈື່ງຢາກຮຽກຮ້ອງໃຫ້ບັນດາຜູ້ໃຊ້ລົດໃຊ້ຖະໜົົນຮ່ວມກັນ ຈົ່ງປະຕິບັດຕາມກົດລະບຽບຈະລາຈອນ ເພື່ອປ້ອງກັນການເກີດອຸບປະຕິເຫດທາງບົກ ສ້າງຄວາມປອດໄພໃຫ້ຜູ້ຂັບຂີ່ ແລະ ຜູ້ທີ່ໃຊ້ລົດໃຊ້ຖະໜົນຮ່ວມກັນ ດ້ວຍຄວາມປາຖະໜາດີຈາກ: ກົມຕຳຫຼວດຈະລາຈອນ ກົມໃຫ່ຍຕຳຫຼວດ ກະຊວງປ້ອງກັນຄວາມສະຫງົບ.
ພາບ-ຂ່າວ: ເພັງຕຸລາ.
