ໃນຄັ້ງວັນທີ 08 – 10 ສິງຫາ 2023 ທີ່ຜ່ານມານີ້ທາງກອງຮ້ອຍຕຳຫຼວດຈະລາຈອນ ປກສ ນະຄອນໄກສອນພົມວິຫານ ໄດ້ລົງໂຄສະນາ ແລະ ຈັດສັນຄວາມບໍ່ເປັນລະບຽບ ໃນເທດສະບານ ນະຄອນໄກສອນພົມວິຫານ, ແຂວງສະຫວັນນະເຂດ.
ໂດຍໄດ້ແນ່ໃສ່ ວຽກງານໂຄສະນາຕາມສາຍທາງ ເຂດຖະໜົນລາດສະວົງເສິກ, ຖະໜົນມະຄະສະຫວັນ, ຖະໜົນວິສຸກັນ, ຖະໜົນພົນໂຍທາ, ຖະໜົນໄກສອນພົມວິຫານ ແລະ ທີ່ໃກ້ກັບ ຈຸດ 3 ແຍກ – 4 ແຍກ.
ນອກຈາກນີ້ ຍັງມີການໂຄສະນາຕາມຊຸມຊົນ ຂອບເຂດຕະຫຼາດສະຫວັນໄຊ ແລະ ຂອບເຂດຕະຫຼາດສາມັກຄີໄຊ ພ້ອມທັງໄດ້ສົມທົບໜ່ວຍສະເພາະກິດລົງຈັດສັນຄວາມບໍ່ເປັນລະບຽບຮຽບຮ້ອຍຕາມບ່າທາງ-ແຄມທາງ ທີ່ເປັນການກີດຂວາງການສັນຈອນ ໄດ້ມີການສຶກສາອົບຮົມ ແລະ ສ້າງບົດບັນທຶກກ່າວເຕືອນຜູ້ທີ່ເອົາບ່າທາງ-ແຄມທາງ ແລະ ເຂດສະຫງວນ ຂອງທາງ ໄປເປັນບ່ອນວາງຂາຍສິນຄ້າ ແລະ ຕິດຕັ້ງປ້າຍໂຄສະນາ ໂດຍບໍ່ໄດ້ຮັບອະນຸຍາດຈາກພາກສ່ວນກ່ຽວຂ້ອງ.
ຂ່າວ: ເພັງຕຸລາ.
