ໂດຍປະຕິບັດຕາມຄຳແນະນໍາ ຂອງກອງບັນຊາການ ປກສ ແຂວງວຽງຈັນ ກ່ຽວກັບການເພີ່ມທະວີໃນການຈັດຕັ້ງປະຕິບັດກົດໝາຍວ່າດ້ວຍການຈະລາຈອນທາງບົກ, ດຳລັດວ່າດ້ວຍກົດຈະລາຈອນທາງບົກ ຕໍ່ຜູ້ທີ່ຂັບຂີ່ລົດຈັກ ແລະ ລົດໃຫຍ່ທຸກປະເພດ ໃນກຳລັງປ້ອງກັນຄວາມສະຫົງບ ແຂວງວຽງຈັນພະແນກຕຳຫຼວດຈະລາຈອນ ປກສ ແຂວງວຽງຈັນ ລົງກວດກາລະບຽບການເຂົ້າ-ອອກ ກອງບັນຊາການ ປກສ ແຂວງວຽງຈັນ
ນຳໂດຍ ພັທ ພູວັນນີ ຫຼີ່ນວັນນະລາດ ຫົວໜ້າພະແນກຕຳຫຼວດຕຳຫຼວດຈະລາຈອນ ປກສ ແຂວງວຽງຈັນ ພ້ອມຄະນະ ທັ້ງນີ້ກໍ່ເພື່ອເຮັດໃຫ້ການເຂົ້າ-ອອກ ມີຄວາມເປັນລະບຽບຮຽບຮ້ອຍໃນກົມກອງ ຮັບປະກັນທາງດ້ານເຂົ້າ-ອອກ ກອງບັນຊາການ ປກສ ແຂວງ ໃຫ້ສອດຄ່ອງ ແລະ ຖືກຕ້ອງຕາມກົດ ໝາຍວ່າດ້ວຍການຈະລາຈອນທາງບົກ ດຳລັດວ່າດ້ວຍກົດຈະລາຈອນທາງບົກ ແລະ ຕາມປ້າຍຈະລາຈອນທີ່ໄດ້ກຳນົດໄວ້ແລ້ວ ໃນຂອບເຂດກອງບັນຊາການ ປກສ ແຂວງ
ເອົາໃຈໃສ່ຊ່ວຍກັນເພີ່ມທະວີໃນການປະຕິບັດກົດ ໝາຍວ່າດ້ວຍການຈະລາຈອນທາງບົກ ຕໍ່ກັບພະນັກງານນາຍ ແລະ ພົນຕຳຫຼວດ ທະຫານ ນັກທຸລະກິດ ຊາວຄ້າຂາຍ, ນັກຮຽນ, ນັກສຶກສາ ຕະຫຼອດຮອດພໍ່ແມ່ປະຊາຊົນບັນດາເຜົ່າ ທີ່ເຂົ້າມາພົວພັນວຽກງານຢູ່ສຳນັກງານກອງບັນຊາການ ປກສ ແຂວງວຽງຈັນ
ຜູ້ທີ່ຂັບຂີ່ລົດຈັກຕ້ອງໃຫ້ໃສ່ໝວກກັນກະທົບ ພ້ອມກັນນັ້ນ ຜູ້ທີ່ຂັບຂີ່ລົດໃຫຍ່ທຸກປະເພດ ແລະ ລົດຈັກ ຕ້ອງປະຕິບັດຕາມກົດໝາຍວ່າດ້ວຍການຈະລາຈອນທາງບົກ ປ້າຍສັນຍານຈະລາຈອນ ທີ່ທາງກອງບັນຊາການ ປກສ ແຂວງວຽງຈັນ ໄດ້ຕິດຕັ້ງຢູ່ຕາມເສັ້ນທາງເຂົ້າ-ອອກ ຂອບເຂດ ກອງບັນຊາການ ປກສ ແຂວງວຽງຈັນໃຫ້ເຂັ້ມງວດ.
ພາບ-ຂ່າວ: ກປສ ແຂວງວຽງຈັນ.
