ໃນວັນທີ 22 ມີນາ 2023 ຜ່ານມານີ້ ເຈົ້າໜ້າທີ່ຕໍາຫຼວດຈະລາຈອນ ກອງບັນຊາການ ປກສ ເມືອງວຽງຄໍາ ແຂວງວຽງຈັນ ສາຍກວດປ້ອມໂພນໝີ ໄດ້ລົງປະຕິບັດໜ້າທີ່ອຳນວຍດ້ວຍວາມສະດວກໃຫ້ແກ່ຜູ້ຂັບຂີ່ລົດຕາມທ້ອງຖະໜົນ, ຜ່ານການກວດກາພົບເຫັນຜູ້ຕ້ອງສົງໃສມີພິຫຼຸດທາງເຈົ້າໜ້າທີ່ຕຳຫຼວດຈາລະຈອນຈື່ງກວດກາລົດຈັກຂອງຜູ້ຕ້ອງສົງໃສດັ່ງກ່າວ ຈື່ງພົບເຫັນຢາບ້າຈໍານວນ 106 ເມັດ ສະນັ້ນເຈົ້າທີ່ຕໍາຫຼວດຈຶ່ງໄດ້ກັກຕົວ ທ້າວ ບົວເງິນ, ອາຍຸ 30 ປີ ປະຊາຊົນ ບ້ານນາທອງ, ເມືອງໂພນໂຮງ, ແຂວງແຂວງວຽງຈັນ ແລະ ຢຶດຂອງກາງ 106 ເມັດ ຕໍ່ມາຈື່ງມອບໃຫ້ພາກສ່ວນກ່ຽວຂ້ອງດໍາເນີນການສືບສວນ-ສອບສວນ.
ຜ່ານການສືບສວນ-ສອບສວນຂອງເຈົ້າໜ້າທີ່ຕຳຫຼວດ ໃນເບື້ອງຕົ້ນ ທ້າວ ບົວເງິນ ໄດ້ໃຫ້ການຮັບສາລະພາບວ່າ: ຢາບ້າຈຳນວນ 106 ເມັດ ແມ່ນເປັນຂອງຜູ້ກ່ຽວແທ້, ເຊິ່ງຢາບ້າຈຳນວນ 106 ເມັດ ຜູ້ກ່ຽວແມ່ນໄດ້ຊື້ນຳ ທ້າວ ຕ່າ ໃນລາຄາ 350.000 ກີບ, ຫລັງຈາກໄດ້ຢາບ້າຈໍານວນດັ່ງກ່າວແລ້ວກໍ່ໄດ້ກັບບ້ານ ພໍເດີນທາງຮອດວົງວຽນໂພນໝີ ຈື່ງຖືກເຈົ້າທີ່ຕໍາຫຼວດຈະລາຈອນ ລັດເພື່ອກວດກາເອກະ ສານ ຈື່ງພົບເຫັນຢາບ້າຈໍານວນ 106 ເມັດ ພ້ອມທັງກັກຕົວຜູ້ກ່ຽວມາດໍາເນີນຄະດີຕາມລະບຽບກົດ ໝາຍ, ຜູ້ກ່ຽວຍັງໃຫ້ການຊັກທອດຕື່ມອີກວ່າ: ຢາບ້າຈໍານວນໜື່ງແມ່ນໄດ້ໄປຊື້ນໍາ ທ້າວ ຕ່າ, ອາຍຸ 45 ປີ, ກຳມະກອນ ຢູ່ບ້ານໂພນໝີເໜືອ
ຈາກນັ້ນເຈົ້າໜ້າທີ່ຕໍາຫຼວດຈາລະຈອນໄດ້ປະສານສົມທົບພາກສ່ວນທີ່ກ່ຽວຂ້ອງ ຈື່ງໄດ້ວາງແຜນເຂົ້າກັກຕົວຜູ້ຕ້ອງສົງໃສ່ດັ່ງກ່າວ ຕົກມາຮອດເວລາ 15 ໂມງ ທາງເຈົ້າໜ້າທີ່ຈຶ່ງກັກຕົວຜູ້ກ່ຽວ ຜູ້ກ່ຽວໄດ້ໄຫວຕົວແລ້ວໂດດຮົ້້ວແລ່ນໝີ ເຈົ້າໜ້າທີ່ຕໍາຫຼວດຈື່ງໄດ້ໄລ່ຈັບກຸມ ພາຍຫຼັງເຈົ້າໜ້າທີ່ສາມາດກັກຕົວໄດ້ແລ້ວພ້ອມທັງນໍາຕົວກ່ຽວກັບເຮືອນ ເພື່ອກວດຄົ້ນເຮືອນຂອງຜູ້ກ່ຽວ ຈຶ່ງພົບເຫັນຢາບ້າທີ່ຜູ້ກ່ຽວຝັງດີນຊຸກເຊື່ອງໄວ້ຈໍານວນ 05 ຖົງ ເທົ່າກັບ 1.000 ເມັດ ແລະ ຢູ່ນຳຜູ້ກ່ຽວອີກ 21 ເມັດ ລວມເປັນ 1021 ເມັດ ,
ຈາກນັ້ນເຈົ້າທີ່ຕໍາຫຼວດຈຶ່ງໄດ້ກັກຕົວຜູ້ກ່ຽວ ແລະ ຢຶດຂອງກາງຢາບ້າຈໍານວນດັ່ງກ່າວ ມາທຳການສຶບສວນ-ສອບສວນ, ຜ່ານການສຶບສວນ – ສອບສວນ ທ້າວ ຕ່າ ໄດ້ໃຫ້ການຮັບສາລະພາບວ່າ: ຢາບ້າຈໍານວນ 1.021 ເມັດ ແມ່ນຂອງຜູ້ກ່ຽວແທ້ເຊິ່ງໄດ້ຊື້ນຳຜູ້ຮ່ວມຂະບວນການພາຍໃນຂອບເຂດເມືອງໂພນໂຮງ ແລະ ເມືອງວຽງຄໍາ ແຂວງວຽງຈັນ ເປັນຈໍານວນຫຼາຍຄັ້ງຈົນນັບບໍ່ຖ້ວນ ຊື້ຄັງລະ 100 ເມັດ ຫາ 2.000 ເມັດ ໃນລາຄາ 1 ເມັດ 2.500 ກີບ ຫາ 3.000 ກີບ ແລ້ວເອົາໄປຂາຍຕໍ່ເມັດລະ 5.000 ກີບ
ເຈົ້າໜ້າທີ່ຕໍາຫຼວດຍັງໃຫ້ຮູ້ຕື່ມອີກວ່າໃນປີ 2017 ຜູ້ກ່ຽວແມ່ນຖຶກເຈົ້າໜ້າທີ່ຕໍາຫຼວດ ປກສ ແຂວງວຽງຈັນ ກັກຕົວໃນຂໍ້ກ່າວຫາຄ້າຂາຍຢາເສບຕິດ ຖືກສານແຂວງຕັດອິດສະຫຼະພາບຈໍາຄຸກ 5 ປີ ພາຍຫຼັງພົ້ນໂທດແລ້ວ ຜູ້ກ່ຽວຍັງໄດ້ກັບມາເຄື່ອນໄຫວຊື້-ຂາຍຢາເສບຕິດຄືນຄືເກົ່າ, ປະຈຸບັນເຈົ້າໜ້າທີ່ຕໍາຫຼວດໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງວຽງຄໍາ ແຂວງວຽງຈັນ ກໍາລັງດໍາເນີນການສືບສວນ-ສອບສວນ ພວກກ່ຽວທັງ 2 ເພື່ອຂະຫຍາຍຜົນຫາກຸ່ມແກ້ງ, ເຄືອຂ່າຍ, ຜູ້ຮ່ວມຂະບວນການ ມາລົງໂທດຕາມລະບຽບກົດໝາຍຂອງບ້ານເມືອງໃນຂັ້ນຕໍ່ໄປ.
