ເພື່ອເຮັດໃຫ້ການເປັນເຈົ້າພາບ ແລະ ປະທານກອງປະຊຸມລັດຖະມົນຕີອາຊຽນ ກອງປະຊຸມລັດຖະມົນຕີອາຊຽນ ດ້ານສີ່ງແວດລ້ອມ ຄັ້ງທີ 17, ກອງປະຊຸມລັດຖະມົນຕີພາຄີວ່າດ້ວຍສັນຍາອາຊຽນດ້ານມົນລະພິດໝອກຄວັນຂ້າມຊາຍແດນ ຄັ້ງທີ 18 ແລະ ກອງປະຊູມປິ່ນອ້ອມ ໃນລະຫວ່າງ ວັນທີ 21-25 ສິງຫາ 2023 ທີ່ ຫໍປະຊຸມແຫ່ງຊາດ, ນະຄອນຫຼວງວຽງຈັນ ໃຫ້ມີຜົນສຳເລັດຕາມຄາດຫມາຍ ແລະ ຮັບປະກັນຄວາມປອດໄພ 100%.
ກົມຕຳຫຼວດຈະລາຈອນ ໄດ້ຈັດກຳລັງເຂົ້າປ້ອງກັນ-ເປີດທາງ ໃນຄັ້ງນີ້ ຈຳນວນ 60 ສະຫາຍ, ຍິງ 13 ສະຫາຍ, ນຳໃຊ້ພາຫະນະທັງໝົດ ຈຳນວນ 20 ຄັນ, ລົດຈັກໂມໂຕເປີດທາງ ຈຳນວນ 20 ຄັນ.
ກົມຕຳຫຼວດຈະລາຈອນ ໄດ້ຈັດຕັ້ງກຳລັງ ເຂົ້າຮ່ວມໃນການປ້ອງກັນກອງປະຊຸມລັດຖະມົນຕີອາຊຽນ ມີການຈັດລະບຽບຕາມສະຖານທີ່ສຳຄັນຕ່າງໆ ແລະ ໄດ້ມີການປ້ອງກັນເປີດທາງອຳນວຍຄວາມສະດວກ ໃຫ້ແກ່ຂະບວນລົດແຂກຕ່າງປະເທດ ຮັບປະກັນຄວາມສະຫງົບ, ຄວາມປອດໄພ, ຄວາມເປັນລະບຽບໃນການເດີນທາງ ຂອງບັນດາປະເທດສະມາຊິກອາຊຽນ ແລະ ກອງເລຂາອາຊຽນ ທີ່ໄດ້ເຂົ້າຮ່ວມກອງປະຊຸມດັ່ງກ່າວໃນຄັ້ງນີ້.
ພາບ-ຂ່າວ: ເພັງຕຸລາ.
