>>>ນັບແຕ່ວັນທີ 29 ທັນວາ 2023 ຫາ 02 ມັງກອນ 2023 ຊ່ວງໄລ ຍະສະເຫຼີມ-ສະຫຼອງ ສົ່ງທ້າຍປີເກົ່າຕ້ອນຮັບປີໃໝ່ສາກົນ ຄສ 2024
ໃນວັນທີ 03 ມັງກອນ 2024 ກົມຕຳຫຼວດຈະລາຈອນ ກົມໃຫ່ຍຕຳຫຼວດ ກະຊວງປ້ອງກັນຄວາມສະຫງົບ ໄດ້ມີການຖະແຫຼງຂ່າວຕໍ່ສື່ມວນຊົນ ໂດຍ ທ່ານ ພັທ ແກ້ວມາລາ ແສງທອງ ຮອງຫົວໜ້າກົມຕຳຫຼວດຈະລາຈອນ ໃຫ້ຮູ້ວ່າ:
ໃນໄລຍະ 5 ວັນ ສະເຫຼີມ-ສະຫຼອງ ສົ່ງທ້າຍປີເກົ່າຕ້ອນຮັບປີໃໝ່ສາກົນ 2024 ທີ່ຜ່ານມານີ້ ມີອຸບປະຕິເຫດຈະລາຈອນທາງບົກ ທົ່ວປະເທດ ເກີດຂື້ນ ທັງໝົດ 148 ລາຍ, ສົມທຽບໃສ່ປີຜ່ານມາ ແມ່ນຫຼຸດລົງ 42 ລາຍ ເທົ່າກັບ 22,10%, ພາຫະນະເປ່ເພ 269 ຄັນ, ສົມທຽບໃສ່ປີຜ່ານມາ ແມ່ນຫຼຸດລົງ 54 ຄັນ ເທົ່າກັບ 16,71 %, ຄົນໄດ້ຮັບບາດເຈັບ 227 ຄົນ, ສົມທຽບໃສ່ປີຜ່ານມາ ແມ່ນຫຼຸດລົງ 84 ຄົນ ເທົ່າກັບ 27% ແລະ ມີຄົນເສຍຊີວິດ 21 ຄົນ, ຍີງ 1 ຄົນ, ສົມທຽບໃສ່ປີຜ່ານມາແມ່ນຫຼຸດລົງ 05 ຄົນ ເທົ່າກັບ 19,23%
>>>ສະເພາະນະຄອນຫຼວງວຽງຈັນ ເກີດຂື້ນ 18 ລາຍ, ສົມທຽບໃສ່ປີຜ່ານມາແມ່ນຫຼຸດລົງ 11 ລາຍ ເທົ່າກັບ 37,93%, ພາຫະນະເປ່ເພ 36 ຄັນ, ສົມທຽບໃສ່ປີຜ່ານມາຫຼຸດລົງ 21 ຄັນ ເທົ່າກັບ 36,84%, ຄົນໄດ້ຮັບບາດເຈັບ 21 ຄົນ, ສົມທຽບໃສ່ປີຜ່ານມາແມ່ນຫຼຸດລົງ 12 ຄົນ ເທົ່າກັບ 36,36% ແລະ ມີຄົນເສຍຊີວິດ 06 ຄົນ, ສົມທຽບໃສ່ປີຜ່ານມາແມ່ນເພີ່ມຂື້ນ 01 ຄົນ ເທົ່າກັບ 20%.
>>>ແຂວງທີ່ເກີດອຸບປະຕິເຫດຫຼາຍທີ່ສຸດ 03 ອັນດັບຄື: 1. ນະຄອນຫຼວງວຽງຈັນ ເກີດ 18 ລາຍ ເທົ່າກັບ, 2. ແຂວງຈຳປາສັກ ເກີດ 17 ລາຍ ແລະ 3. ແຂວງວຽງຈັນ ເກີດ 16 ລາຍ.
>>>ແຂວງທີ່ເສຍຊີວິດຫຼາຍທີ່ສຸດ 03 ອັນດັບຄື: 1. ນະຄອນຫຼວງວຽງຈັນ ເສຍຊີວິດ 06 ຄົນ, 2. ແຂວງຄຳມ່ວນ ເສຍຊີວິດ 03 ຄົນ 3. ແຂວງວຽງຈັນ ເສຍຊີວິດ 02 ຄົນ.
>>>ພາຫະນະຮ່ວມເກີດອຸບປະຕິເຫດ ທີ່ມີຄົນເສຍຊີວິດຫຼາຍທີ່ສຸດແມ່ນ ລົດຈັກ ຕຳກັບ ລົດຈັກ 47 ລາຍ, ເສຍຊີວິດ 05 ຄົນ, ລົດຈັກ ຕໍາກັບ ລົດຍົນ 41 ລາຍ, ເສຍຊີວິດ 05 ຄົນ, ລົດຈັກລົ້ມເອງ 13 ລາຍ, ເສຍຊີວິດ 04 ຄົນ, ລົດຍົນຕຳກັບຄົນຍ່າງ 03 ລາຍ, ເສຍຊີວິດ 02 ຄົນ, ລົດຈັກ ຕຳກັບ ລົດຊິ່ງ 02 ລາຍ, ເສຍຊີວິດ 01 ຄົນ, ລົດຈັກ ຕຳກັບ ລົດຈັກ ຕຳກັບ ລົດບັນທຸກ 01 ລາຍ, ເສຍຊີວິດ 02 ຄົນ, ລົດຈັກ ຕຳປ້າຍໂຄສະນາ 01 ລາຍ, ເສຍຊີວິດ 01 ຄົນ ແລະ ລົດຍົນ ຕຳກັບລົດຍົນ ແລ້ວເສຍຫຼັກໄປຕຳຄົນຍ່າງ, ລົດຈັກ ແລະ ຕຳເຮືອນ 01 ລາຍ, ເສຍຊີວິດ 01 ຄົນ.
>>>ເຂດເກີດອຸບປະຕິເຫດ, ເທດສະບານແຂວງ, ເມືອງ 70 ລາຍ, ເສຍຊີວິດ 07 ຄົນ, ນອກເທດສະບານ 78 ລາຍ, ເສຍຊີວິດ 14 ຄົນ.
>>>ເສັ້ນທາງທີ່ເກີດອຸບປະຕິເຫດ ເສັ້ນທາງ 13 ເໜືອ 12 ລາຍ, ເສຍຊີວິດ 03 ຄົນ, ເສັ້ນທາງ 13 ໃຕ້ 09 ລາຍ, ເສຍຊີວິດ 02 ຄົນ, ເສັ້ນທາງຂອງແຂວງ 57 ລາຍ, ເສຍຊີວິດ 06 ຄົນ, ເສັ້ນທາງຂອງເມືອງ 33 ລາຍ, ເສຍຊີວິດ 04 ຄົນ ແລະທາງຮ່ອມອື່ນໆ 37 ລາຍ, ເສຍຊີວິດ 06 ຄົນ.
>>>ໂມງເກີດອຸບປະຕິເຫດ ເວລາ 00:00 – 5:00 ເກີດ 11 ລາຍ, ເສຍຊີວິດ 05 ຄົນ, ເວລາ 6:00 – 11:00 ເກີດ 24 ລາຍ ເສຍຊີວິດ 03 ຄົນ, ເວລາ 12:00-18:00 ເກີດ 38 ລາຍ, ເສຍຊີວິດ 08 ຄົນ ແລະ ເວລາ 19:00 – 23:00 ເກີດ 75 ລາຍ, ເສຍຊີວິດ 05 ຄົນ.
>>>ສາເຫດ ທີ່ພາໃຫ້ເກີດອຸບປະຕິເຫດ ດື່ມສີ່ງມືນເມົາ 19 ກໍລະນີ, ເສຍຊີວິດ 03 ຄົນ, ຄວາມໄວ 34 ກໍລະນີ, ເສຍຊີວິດ 13 ຄົນ, ບໍ່ປ່ອຍສິດ 22 ກໍລະນີ, ຊີງບໍ່ຮັບປະກັນ 08 ກໍລະນີ, ເສຍຊີວິດ 01 ຄົນ, ຂັບຂີ່ອອກນອກສາຍທາງ ( ກີນທາງ ) 10 ກໍລະນີ, ເສຍຊີວິດ 01 ຄົນ, ປ່ຽນທິດທາງ 31 ກໍລະນີ, ເສຍຊີວິດ 03 ຄົນ, ບໍ່ແນບຂວາ 04 ກໍລະນີ, ສະພາບເຕັກນິກ 05 ກໍລະນີ, ບໍ່ຮັກສາໄລຍະຫ່າງ 01 ກໍລະນີ, ກໍລະນີອື່ນໆ 14 ກໍລະນີ.
>>>ນອກຈາກນີ້ ເຈົ້າໜ້າທີ່ຕຳຫຼວດຈະລາຈອນຍັງໄດ້ມີການໂຄສະນາເຜີຍແຜ່ປູກຈິດສຳນຶກ ໃນຂອບເຂດ ທົ່ວປະ ເທດ ລົງໂຄສະນາຢູ່ໂຮງຮຽນ, ສຳນັກງານ -ອົງການ ລົງໂຄສະນາຢູ່ຕາມສາມແຍກສີ່ແຍກ ແລະ ເສັ້ນທາງທີ່ສຳຄັນ, ຕິດປ້າຍໂຄສະ ນາປູກຈິດສຳນຶກຕາມ ເສັ້ນທາງ ແລະ ສະຖານທີ່ສຳຄັນ, ປູກຈິດສຳນຶກໃຫ້ແກ່ຜູ້ໃຊ້ລົດໃຊ້ຖະໜົນ, ຈັດກິດຈະກຳ ແຈກໝວກກັນກະທົບ, ເສື້ອທີລະນຶກ ແລະ ນ້ຳດື່ມ ຕາມເສັ້ນທາງ 13 ເໜືອ-ເສັ້ນທາງ 13 ໃຕ້ ໃຫ້ແກ່ນັກຂັບຂີ່ທີ່ສັນ ຈອນໄປມາຕາມເສັ້ນທາງ.
ທາງກົມຕຳຫຼວດຈະລາຈອນ ຂໍສະແດງຄວາມເສຍໃຈມາຍັງ ຄອບຄົວ, ຍາດພີ່ນ້ອງ ຂອງຜູ້ເສຍຊີວິດ ຍ້ອນອຸບປະຕິເຫດ ຄັ້ງນີ້ດ້ວຍ
ຂໍຮຽກຮ້ອງໃຫ້ທຸກຄົນທີ່ໃຊ້ລົດໃຊ້ຖະໜົນ ໃຫ້ມີສະຕິ ອຸບປະຕິເຫດ ປ້ອງກັນໄດ້ຖ້າທຸກໃຈກົດລະບຽບຈະລາຈອນ.
ຂ່າວ: ເພັງຕຸລາ.
